![[FC안양] 1021_서울E전 종료 후 라커룸을 쫓아가 보았다.avi](https://lh3.googleusercontent.com/blogger_img_proxy/AEn0k_vT2nkX2DW4dTDTWJMrjHQXh-bybNbcS5UovIDGp6Ct4Bt-wRuAx_aYgVo2E-eso_YiMyVIkUh_1KBTA1DKm5Rh7dXYV7r2rlZh6gMvy8p1Eb60=w180)
PONTEVEDRA. Margarita Dopico tivo que enfrontarse ao asasinato do seu fillo no ano 2010 a mans da súa ex parella. Agora, ten que facer fronte a última sentenza xudicial sobre a denuncia que ela realizou por denegación de auxilio contra un membro da Garda Civil o día que se produciron os feitos. Margarita, xunto coa directora do Centro de Información á Muller, participou esta mañá nun acto co obxectivo de analizar o traballo que realizan os axentes da policía ante un caso de violencia de xénero.
Ela é Margarita Dopico. O seu fillo, de 14 meses, foi calcinado dentro dun coche pola súa ex parella o 2 de outubro de 2010. Agora, 9 anos máis tarde, Margarita non da crédito á última sentenza xudicial sobre a denuncia que ela interpuxo contra un membro da Garda Civil por denegación de auxilio o día que se produciron os feitos. Tras as ameazas que sufriu por parte do seu ex marido, dicindo que non volvería a saber nada do seu fillo, Margarita acudiu ao cuartel para pedir axuda.
Margarita foi ao cuartel ata en tres ocasións no mesmo día. Sen embargo, o xuíz determinou que non transmitiu a gravidade e o risco ao axente do que horas máis tarde aconteceu.
Margarita mostrou esta mañá a súa indignación tras a sentenza que absolveu ao membro da Garda Civil e asegurou que tomará as medidas necesarias para que o que ela viviu non se volva a repetir.
Esta é a historia de Margarita pero tamén doutras moitas mulleres que loitan cada día para conseguir maior apoio institucional ante unha situación de violencia machista.
Margarita Dopico pide maior apoio institucional ás vítimas de violencia machista violencia machista significado | |
| Likes | Dislikes |
| 32 views views | 1.39K followers |
| Entertainment | Upload TimePublished on 23 Apr 2019 |
Không có nhận xét nào:
Đăng nhận xét